News - Ֆրանսիան Իսրայելին կոչ է անում խուսափել միակողմանի քայլերից Երուսաղեմի հայկական թաղամասում

Երուսաղեմում Ֆրանսիայի գլխավոր հյուպատոսությունը, մեկնաբանելով Երուսաղեմի հայկական թաղամասում տեղի ունեցած միջադեպերը, կոչ է արել Իսրայելի իշխանություններին զերծ մնալ քաղաքում ստատուս քվոն կասկածի տակ առնող ցանկացած միակողմանի գործողություններից։ «Ֆրանսիան անհանգստացած է Երուսաղեմի հայկական թաղամասում երեկ տեղի ունեցած միջադեպերով: Մենք կոչ ենք անում Իսրայելի իշխանություններին զերծ մնալ ցանկացած միակողմանի գործողություններից, որոնք կասկածի տակ են դնում Երուսաղեմի ստատուս քվոն»,- ասված է Երուսաղեմում Ֆրանսիայի գլխավոր հյուպատոսության հայտարարության մեջ։ Հինգշաբթի X-ում՝ նախկին Twitter-ում: Մի խումբ իսրայելցիներ չորեքշաբթի օրը ոստիկանության աջակցությամբ ներխուժեցին Երուսաղեմի Հին քաղաքում գտնվող հայկական այգիներ, որոնք հայտնի են որպես «Կովերի այգի» և վերացրել այնտեղ կանգնեցված պատնեշները։ Ներխուժման ժամանակ ծեծկռտուք է տեղի ունեցել իրավապահների և հայ ակտիվիստների, ինչպես նաև հայ հոգևորականների միջև։