News - Ucom-ը շարունակում է աջակցել Հայաստանում կանաչ էներգիայի ընդլայնմանը

Ucom-ի և «Արևորդի» ՀԿ-ի համագործակցության շրջանակում տեղադրվել է ևս մեկ արևային մարտկոց, այս անգամ Վանևան գյուղում։ 9,9 կՎտ դրվածքային հզորությամբ արևային ֆոտովոլտային էլեկտրակայանը էլեկտրաէներգիայով կապահովի համայնքի ենթակառուցվածքները։ Նման կանաչ լուծումները ոչ միայն դրական ազդեցություն կունենան Հայաստանի շրջակա միջավայրի վրա, այլև միևնույն ժամանակ թույլ կտան համայնքին խնայել էլեկտրաէներգիան և խնայողությունները օգտագործել այլ կարիքների համար։ «Շրջակա միջավայրը մեր ամենակարեւոր արժեքներից մեկն է, և մենք ոգևորված ենք կանաչ տեխնոլոգիաների միջոցով մարդկանց կյանքը բարելավելու հնարավորությամբ: Ucom-ն իր պարտքն է համարում բարելավել իր համաքաղաքացիների կյանքի որակը ոչ միայն որակյալ ծառայություններ մատուցելով, այլ նաև նման արդյունավետ և օգտակար նախագծերի միջոցով»,- ասաց Ucom-ի գլխավոր տնօրեն Ռալֆ Յիրիկյանը։ «Սա արդեն չորրորդ համայնքային ենթակառուցվածքների զարգացման ծրագիրն է, որը մենք իրականացնում ենք Ucom-ի աջակցությամբ։ Մեզ համար շատ կարևոր է, որ իրականացված աշխատանքը մնայուն և դրական ազդեցություն ունենա համայնքի վրա, և Վանևանում իրականացվող ծրագիրը դրա վկայությունն է»,- ասաց «Արևորդի» կազմակերպության տնօրեն Սոնա Քալանթարյանը։ «Շնորհակալ եմ Ucom-ին և «Արևորդի» կազմակերպությանը նման ծրագրեր իրականացնելու համար։ Շնորհակալություն մեզ հետ լինելու և մեր համայնքում նման բարի գործեր անելու համար։ Տեղեկացնում եմ բոլորին, որ Վանևան գյուղում տեղադրվել է 10 կՎտ դրվածքային հզորությամբ արևային ֆոտովոլտային վահանակ։ Սրա նպատակն է նվազեցնել համայնքային ենթակառուցվածքների համար էլեկտրաէներգիայի ծախսերը: Արդյունքում հնարավոր կլինի խնայել գումարները, իսկ խնայված միջոցները կուղղվեն այլ խնդիրների լուծմանը։ Ես իսկապես հույս ունեմ, որ ապագայում կունենանք նմանատիպ ծրագրեր»,- ասաց Վարդենիս համայնքի ղեկավար Ահարոն Խաչատրյանը։ Նշենք, որ ծրագրի շրջանակներում նախկինում արևային մարտկոցներ են տեղադրվել Գոխթանիկ, Աղավնաձոր և Ռինդ գյուղերում։