News - Ստորագրվել է տնտեսական համագործակցության հայ-իրաքյան համատեղ հանձնաժողովի նիստի արձանագրությունը

Երեքշաբթի և չորեքշաբթի Իրաքի մայրաքաղաք Բաղդադում կայացել է տնտեսական համագործակցության հայ-իրաքյան միջկառավարական համատեղ հանձնաժողովի երրորդ նիստը։ Հայաստանի էկոնոմիկայի նախարարությունից NEWS.am -ին հայտնում են, որ հանձնաժողովի հայկական կողմից համանախագահն էր էկոնոմիկայի նախարար Վահան Քերոբյանը, իսկ իրաքյան կողմից՝ Իրաքի գյուղատնտեսության նախարար Աբբաս ալ-Մալիքին։ . Հանդիպման ընթացքում քննարկվել են բազմաթիվ ոլորտներում երկկողմ տնտեսական համագործակցության հեռանկարները։ Հանդիպման արդյունքում և դրա ընթացքում իրաքյան կողմի հետ ձեռք բերված պայմանավորվածությունների հիման վրա ստորագրվել է տնտեսական համագործակցության հայ-իրաքյան միջկառավարական համատեղ հանձնաժողովի երրորդ հանդիպման արձանագրությունը։