News - Հայաստանը ՆԱՏՕ-ի ազդեցության տակ Ղարաբաղի վերաբերյալ որոշումներ է ընդունել Ռուսաստանի ԱԳՆ
Business Strategy
Հայաստանը ՆԱՏՕ-ի ազդեցության տակ Ղարաբաղի վերաբերյալ որոշումներ է ընդունել Ռուսաստանի ԱԳՆ
Հայաստանը Լեռնային Ղարաբաղի վերաբերյալ որոշումներ է ընդունել ՆԱՏՕ-ի ազդեցության տակ, իսկ հայտարարությունները, թե Ռուսաստանն ու ՀԱՊԿ-ը չեն օգնել Հայաստանին տարածաշրջանում իրավիճակի սրման ժամանակ, սուտ են։ Այս մասին «Զվեզդա» հեռուստաընկերության եթերում հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։ «Բոլոր նրանց, ովքեր հավատում և քարոզում են այդ գաղափարը, ես մեղադրում եմ ստության մեջ: Դա ճիշտ չէ, դա սուտ է, դա Երևանի որոշումն է եղել Արևմուտքի հետ խորհրդակցություններից հետո: Ես մեղադրում եմ բոլոր նրանց, ովքեր քարոզում և տարածում են մեղքի գաղափարը. Ռուսաստանին և ՀԱՊԿ-ին այն որոշումների համար, որոնք Երևանը կայացրել է Ղարաբաղի հարցում, ստելու համար»,- ասաց Զախարովան։ Նրա խոսքով, արևմտյան երկրներն առաջ են քաշել Հայաստանի կողմից Լեռնային Ղարաբաղից պաշտոնապես հրաժարվելու թեման։ ՆԱՏՕ-ի անդամների թելադրանքով ստորագրված փաստաթղթերում ոչ մի կերպ ներառված կամ երաշխավորված չեն եղել Լեռնային Ղարաբաղի բնակիչների իրավունքները։ Զախարովան հավելել է, որ Հայաստանի և Ադրբեջանի միջև լարվածության նոր սրումը կախված է միայն նրանից, թե որքանով Հայաստանը թույլ կտա ԵՄ-ին, ԱՄՆ-ին և Մեծ Բրիտանիային ապակառուցողականորեն ազդել տարածաշրջանում և երկրում իրավիճակի վրա։
About usyoo
Categories
Tags
