News - Forbes-ի միլիարդատերերի ցուցակում 8 հայ է

Forbes-ի միլիարդատերերի ամենամյա 38-րդ վարկանիշում ութ հայ է հայտնվել։ Համաձայն այս ամսագրի կայքում տեղադրված համապատասխան ցուցակի, վարկանիշում ընդգրկված է արգենտինահայ գործարար Էդուարդո Էռնեկյանը, ով 1104-րդ տեղում է՝ 3 միլիարդ դոլար կարողությամբ։ Ռուս հայ գործարարներ Սամվել Կարապետյանն ու Ալբերտ Ավդոլյանը կիսում են 1143-րդ տեղը՝ 2,9-ական միլիարդ դոլարով։ Ռուսաստանաբնակ հայ գործարար, ծանոթությունների հավելվածների և սոցիալական մեդիայի Bumble և Badoo հարթակների հիմնադիր Անդրեյ Անդրեևը (Օհանջանյանց) 1615-րդ տեղում է՝ 2 մլրդ դոլար։ Ամերիկահայ հեռուստաաստղ և գործարար Քիմ Քարդաշյանը 1851-րդ տեղում է՝ 1,7 միլիարդ դոլարով։ 1951-րդ տեղում է Fix Price-ի ռուսաստանցի հայազգի համահիմնադիր Արտյոմ Խաչատրյանը՝ $1,6 մլրդ։ Moderna բիոտեխնոլոգիական ընկերության ամերիկահայ համահիմնադիր, Flagship Pioneering-ի ղեկավար Նուբար Աֆեյանը 2152-րդ տեղում է՝ 1,4 միլիարդ դոլարով։ Իսկ Արցախի (Լեռնային Ղարաբաղի) նախկին պետնախարար, ռուսաստանցի հայ ներդրող և արվեստի և գրականության հովանավոր Ռուբեն Վարդանյանը, ով ներկայումս գտնվում է Ադրբեջանում բանտում, իր ընտանիքի հետ ներառված է 2545-րդ տեղում՝ զուտ արժեքով։ 1,1 միլիարդ դոլարի չափով: