News - Կարմիր խաչի ուղեկցությամբ Ղարաբաղից Հայաստան է տեղափոխվել 2 հայ
Business Strategy
Կարմիր խաչի ուղեկցությամբ Ղարաբաղից Հայաստան է տեղափոխվել 2 հայ
Մարտի 29-ին երկու հայեր Լեռնային Ղարաբաղից Հայաստան են տեղափոխվել Կարմիր Խաչի միջազգային կոմիտեի (ԿԽՄԿ) ուղեկցությամբ։ Այս տեղեկությունը NEWS.am-ի հետ զրույցում հաստատեց ԿԽՄԿ հայաստանյան գրասենյակի հաղորդակցության և կանխարգելման ծրագրերի ղեկավար Զառա Ամատունին։ Մեր տեղեկություններով՝ նրանք ամուսիններ են՝ Սամվել Գալստյանը և Մարգարիտա Շահնազարյանը։ Ըստ Ամատունու՝ այս անձինք Հայաստան են տեղափոխվել իրենց ցանկությամբ։ Նրա խոսքով, այս ընթացքում ԿԽՄԿ-ն տարբեր հարցերով աջակցել է Լեռնային Ղարաբաղի շուրջ 20 հայերի և օգնել նրանց կապ պահպանել Լեռնային Ղարաբաղից դուրս գտնվող իրենց հարազատների հետ։ Կարմիր խաչի օգնությամբ անցած հոկտեմբերից ավելի քան 50 հայեր Լեռնային Ղարաբաղից տեղափոխվել են Հայաստան։ «Ցանկացած մարդ, ով տեղափոխվում է իր կամքով, մենք [այսինքն՝ ԿԽՄԿ-ն] չենք կարող որևէ անձի մղել որևէ գործողության, նրանք տեղեկացնում են [մեզ], մենք՝ որպես չեզոք միջնորդ, օգնում ենք: Մեր առաքելությունն է ապահովել փոխադրումը, երբ նրանք անցնում են սահմանը, մեր առաքելությունն ավարտվում է, նրանք համապատասխան մարմինների, հարազատների մոտ են»,- հավելեց Զառա Ամատունին։
About usyoo
Categories
Tags
