News - Թուրքիայում վաճառքի է հանվել հայկական եկեղեցին
Business Strategy
Թուրքիայում վաճառքի է հանվել հայկական եկեղեցին
Թուրքիայի Սիվաս (Սեբաստիա) նահանգի հայկական Սուրբ Աստվածածին եկեղեցին վաճառքի է հանվել, հայտնում է Ermenihaber-ը։ 1915 թվականի Հայոց ցեղասպանությունից հետո լքված եկեղեցին դարձել է տեղի բնակչուհի Հաթիջե Աքայի սեփականությունը, ով, որոշելով վաճառել այն, դիմել է անշարժ գույքի գործակալություն։ Իսկ անշարժ գույքի գործակալը DHA լրատվականին ասել է, որ կա սեփականության վկայական, և այս եկեղեցու վաճառքի հարցում որևէ խոչընդոտ չկա։ «Եկեղեցին առաջին աստիճանի պահպանվող տարածք է և գտնվում է պաշտպանության տակ: Այսօրվանից մենք այն հանել ենք վաճառքի և դրա համար 16 միլիոն լիրա ենք ուզում», - ավելացրեց անշարժ գույքի գործակալը: Սուրբ Աստվածածին հայկական եկեղեցին գտնվում է Գոյդուն գյուղում և կառուցվել է 19-րդ դարում։ Այն գրանցվել է 2012 թվականին որպես պաշտպանություն պահանջող 1-ին խմբի մշակութային անշարժ գույք։ Օծված քարերով կառուցված այս եկեղեցու ներքին և արտաքին պատերին քանդակված են խաչի պատկերներ։
About usyoo
Categories
Tags
