News - Իսրայելի կողմից Սիրիայի վրա հարձակման հետևանքով զոհվել է իրանցի բարձրաստիճան զինվորական

Երկուշաբթի օրը Սիրիայի մայրաքաղաք Դամասկոսում Իրանի դեսպանատան հյուպատոսական բաժինը իսրայելական հրթիռակոծության է ենթարկվել, գրում է Irna-ն։ SANA-ն հայտնել է, որ սիրիական հակաօդային պաշտպանությունը որսացել է իսրայելական հրթիռների մի մասը։ Չհաստատված տեղեկությունների համաձայն՝ առնվազն ութ մարդ է զոհվել Իսրայելի ավիահարվածների հետևանքով: Սիրիայի ԱԳ նախարար Ֆեյսալ Միքդադը հրթիռային հարվածից հետո այցելել է Իրանի դեսպանատուն և իրանցի գործընկեր Հոսեյն Ամիրաբդոլլահյանի հետ հեռախոսազրույցում դատապարտել Իսրայելի հանցագործությունները։ Տեղական աղբյուրները հավելել են, որ Դամասկոսում Իրանի դիվանագիտական ​​առաքելության անդամները, այդ թվում՝ դեսպանն ու նրա ընտանիքը, չեն տուժել։ Սիրիայում և Լիբանանում Իրանի Իսլամական հեղափոխության պահապանների կորպուսի հրամանատար գեներալ Մոհամմադ Ռեզա Զահեդին սպանվել է Իսրայելի հարձակման հետևանքով, հայտնում է Mehr News գործակալությունը։