News - Հայաստան բռնի տեղահանված ղարաբաղցիներից 6792-ը հաշվառված են սոցիալական ծառայությունում

Ընդհանուր առմամբ Լեռնային Ղարաբաղից Հայաստան հարկադիր տեղահանված 6792 անձ ցանկացել է հաշվառվել միասնական սոցիալական ծառայությունում, նրանցից 4418-ը ստացել է գործազուրկի կարգավիճակ, իսկ 1990-ը ստացել են աշխատանքի։ Այս մասին երկուշաբթի լրագրողների հետ հանդիպման ժամանակ հայտարարեց աշխատանքի և սոցիալական հարցերի փոխնախարար Ռուբեն Սարգսյանը։ «Այդ 1990 հոգին առանց որևէ ծրագրի ընդունվել են աշխատանքի, բացի այդ, կրթության ոլորտում աշխատանք է գտել ավելի քան 820 մարդ»,- հավելեց Սարգսյանը։ Իսկ այն դիտարկմանը, թե Հայաստան բռնի տեղահանված ավելի քան 100.000 Լեռնային Ղարաբաղի հայերից միայն մոտ 6800-ն է հաշվառված սոցիալական ծառայությունում, ինչը շատ փոքր թիվ է, փոխնախարարն ասաց. «Բայց այս ծրագրից կան. զանազան այլ գործիքներ, իսկ բռնի տեղահանվածները տարբեր մեխանիզմներով կարող են աշխատանք գտնել՝ դա միջազգային կազմակերպություններն են, տեղական ՀԿ-ները, բիզնեսը [ոլորտը], կարող են լինել նաև դեպքեր, երբ մարդ աշխատանքի է ընդունվում, և մենք տեղեկացված չենք [ դրա մասին]."