News - Տիգրան Բալայանը՝ Տոյվո Կլաարին. Ադրբեջանը պատրաստվում է Հայաստանի դեմ նոր ագրեսիայի.

Հարգելի Տոյվո Կլաար, Ադրբեջանում ոչինչ չի կարող հեռարձակվել առանց Ադրբեջանի նախագահի հավանության, ով լուրջ չի վերաբերվում գործողություններով չաջակցվող զգուշացումներին։ Այս մասին Բելգիայում ՀՀ դեսպան, Եվրամիությունում Հայաստանի առաքելության ղեկավար Տիգրան Բալայանը գրել է X-նախկին Twitter-ում՝ պատասխանելով Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին։ . «[Ադրբեջանի նախագահ] Ալիևի վարչակարգը պատրաստվում է նոր ագրեսիայի Հայաստանի դեմ, քանի որ վերջինների համար անհետևանք չի ունեցել: Մենք հավատում ենք, որ ԵՄ-ն կարող է կանգնեցնել Ալիևին Հայաստանին միանշանակ աջակցության միջոցով»,- հավելեց Բալայանը: Նշենք, որ Կլաարն անընդունելի էր համարել ադրբեջանական լրատվամիջոցներում Հայաստանի հասցեին հնչող սպառնալիքները։ Նա X-ում գրել էր, որ «սահմանների սահմանազատման վերաբերյալ իրական բանակցություններ են անհրաժեշտ, և բոլոր տարածքային վեճերը պետք է լուծվեն խաղաղ ճանապարհով և համաձայնեցված գործընթացի շրջանակներում»։