News - Հայաստանի խորհրդարանի նախագահ

Հայաստանի Ազգային ժողովի նախագահ Ալեն Սիմոնյանը Շվեյցարիայի Ժնև քաղաքում ընթացող Միջխորհրդարանական միության 148-րդ վեհաժողովի շրջանակում մի շարք հանդիպումներ է ունեցել տարբեր երկրների խորհրդարանականների հետ։ ԱԺ-ից NEWS.am -ին հայտնում են, որ այս հանդիպումների ընթացքում ԱԺ նախագահն իր գործընկերներին ներկայացրել է Հարավային Կովկասում տիրող իրավիճակը՝ կարեւորելով տարածաշրջանում խաղաղության հաստատումը եւ վերահաստատելով Հայաստանի հավատարմությունը խաղաղության օրակարգին։ Գազայում տեղի ունեցող իրադարձությունները քննարկվել են Պաղեստինի Ազգային խորհրդի փոխնախագահ Մուսա Հադիդի հետ Սիմոնյանի հանդիպմանը։ Հայաստանի խորհրդարանի նախագահը հակիրճ ներկայացրել է Հայաստանի դիրքորոշումը պաղեստինյան հիմնախնդրի կարգավորման վերաբերյալ։ «Միջազգային տարբեր հարթակներում մենք միշտ աջակցել ենք Պաղեստինի հիմնախնդրի խաղաղ կարգավորմանը՝ երկու պետությունների սկզբունքի հիման վրա»,- ասաց Սիմոնյանը։