News - Մեր հարաբերությունները ռազմավարական նշանակություն ունեն. ՀՀ նախագահն ընդունել է Վրաստանի վարչապետին

Նախագահական նստավայրում հանդիպել են նախագահ Վահագն Խաչատրյանը և Վրաստանի վարչապետ Իրակլի Կոբախիձեն։ Այս մասին հայտնում է նախագահի մամուլի ծառայությունը։ Ողջունելով հյուրին՝ նախագահը նշել է. «Մենք բարձր ենք գնահատում մեր բարեկամական հարաբերությունները, և նման բարձր մակարդակի այցերը ևս մեկ անգամ ընդգծում են մեր երկրների և մեր ժողովուրդների միջև այս հարաբերությունների կարևորությունը։ Ըստ էության, մեր հարաբերությունները ռազմավարական նշանակություն ունեն, ինչը ամրագրված է նաև ՀՀ կառավարության 2021-2026թթ. Շնորհակալություն հայտնելով ընդունելության համար՝ Վրաստանի վարչապետն ասել է. «Ինձ համար մեծ պատիվ է այսօր գտնվել այստեղ՝ Հայաստանում, իմ այցը նշան է այն բանի, որ մենք առանձնահատուկ նշանակություն ենք տալիս մեր հարաբերություններին և բարեկամությանը, մենք միշտ շեշտում ենք, որ մեր ժողովուրդների և երկրների միջև ձևավորված բարեկամությունը պատմական բնույթ է կրում։ Մենք վերջերս ստորագրեցինք հռչակագիր ռազմավարական գործընկերության հաստատման մասին, ինչը նշանակում է, որ մենք կարողացել ենք մեր հարաբերությունները բարձրացնել ավելի բարձր մակարդակի, և այսօր կարևոր է իրականացնել բոլոր այն նպատակները, որոնք ներառված էին այս հռչակագրում։ Մենք գոհ ենք մեր հարաբերությունների ներկա վիճակից. դինամիկան շատ դրական է, բայց դրանց խորացման և ընդլայնման համար միշտ տեղ կա»,- ասաց նա։ Զրույցի ընթացքում քննարկվել են տարածաշրջանային իրողությունները և ընդհանուր իրավիճակը։ Այդ համատեքստում Հանրապետության Նախագահը վերահաստատել է Հայաստանի անկեղծ ցանկությունը՝ հասնելու տարածաշրջանում ամբողջական և կայուն խաղաղության։