News - Դատարանը որոշում է կայացրել ձերբակալել Մոսկվայի ահաբեկչության մեջ մեղադրվողներին

Մոսկվայի շրջանային դատարանը կիրակի օրը որոշում է կայացրել ձերբակալել չորս անձանց, ովքեր մեղադրվում են Մոսկվայի մարզի Կրոկուս Սիթի Հոլլ համերգասրահում տեղի ունեցած ահաբեկչության մեջ։ Մարտի 22-ին կալանավորվել են 32-ամյա Դալերժոն Միրզոևը, 30-ամյա Ռաչաբալիզոդա Սաիդակրամի Մուրոդալին, 25-ամյա Շամսիդին Ֆարիդունին և 19-ամյա Մուհամադսոբիր Ֆայզովը, հայտնում է Lenta.ru-ն։ Քրեական գործով անցնող անձինք ուշ երեկոյան բերման են ենթարկվել դատարան։ Նրանց մեղադրանք է առաջադրվել ահաբեկչության մեջ։ Նրանց սպառնում է ցմահ ազատազրկում։ Տաջիկստանի քաղաքացի Դալերժոն Միրզոևն իրեն մեղավոր է ճանաչել դատարանում։ Ռաչաբալիզոդա Սաիդակրամի Մուրոդալին, պատասխանելով Ռուսաստանում գրանցում ունենալու մասին հարցին, ասաց, որ գրանցված է, բայց չի հիշում, թե որտեղ։ Նա նույնպես դատարանում իրեն մեղավոր է ճանաչել։ Տաջիկստանի մեկ այլ քաղաքացի Շամսիդին Ֆարիդունին Ռուսաստանի Կրասնոգորսկ քաղաքում գրանցվել է որպես գործարանի բանվոր։ Իսկ Մուհամադսոբիր Ֆայզովին դատարան են բերել հաշմանդամի սայլակով և հիվանդանոցի հիվանդի զգեստով։ Աշխատել է որպես վարսավիր Ռուսաստանի Իվանովո քաղաքում, որտեղ գրանցված է: