News - Գևորգ Պապոյանը և Քրիստինա Կվիենը կարևորել են Ամերիկայի մրցունակության փոխանակման ծրագրի անցկացումը Հայաստանում 2024թ.

Էկոնոմիկայի նախարար Գեւորգ Պապոյանն ուրբաթ ընդունել է Հայաստանում ԱՄՆ դեսպան Քրիստինա Կվիենին։ Պապոյանը հակիրճ ներկայացրել է ՀՀ կառավարության կողմից տնտեսության մեջ իրականացվող քաղաքականությունն ու առաջնահերթությունները, ընդգծել Հայաստանի տնտեսության դիվերսիֆիկացման կարևորությունը և, հատկապես, այդ ուղղությամբ ԱՄՆ-ի հետ համագործակցության խորացումը։ Զրուցակիցներն անդրադարձել են այս ամիս Հայաստանի և ԱՄՆ-ի միջև Առևտրի և ներդրումների շրջանակային համաձայնագրի (TIFA) աշխատանքային խմբի հանդիպման արդյունավետ անցկացմանը և ձեռք բերված պայմանավորվածությունների կատարմանը։ Կողմերը մտքեր են փոխանակել նաև այս տարի Հայաստանում Ամերիկայի մրցունակության փոխանակման (ACE) ծրագրի անցկացման կարևորության և հնարավորությունների շուրջ։ Հանդիպման ընթացքում անդրադարձ է կատարվել նաև հայ-ամերիկյան համագործակցությանը։