News - Մեծ Բրիտանիայի Եվրոպայի նախարար. Մենք շարունակում ենք կոչ անել վերադարձնել բոլոր ռազմագերիներին

Ե՛վ Հայաստանը, և՛ Ադրբեջանը պատասխանատվություն են կրում ապահովելու տարածաշրջանի բոլոր ժողովուրդների մշակութային ժառանգության պաշտպանությունն ու պահպանումը ի շահ բոլորի։ Մենք շատ լուրջ ենք վերաբերվում կրոնական և մշակութային վայրերի ոչնչացման մասին հաղորդագրություններին և աջակցում ենք միջազգային կազմակերպությունների աշխատանքին, որոնք մոնիտորինգային առաքելություններ են իրականացնում դրանց գնահատման համար: Բրիտանական խորհրդարանի Համայնքների պալատում «Լեռնային Ղարաբաղից հայ փախստականներին միջազգային աջակցություն» թեմայով քննարկման ժամանակ ասաց Մեծ Բրիտանիայի Եվրոպայի հարցերով նախարար Լեո Դոչերտին։ Դոչերտին նաև նշել է, որ Բրիտանիան շարունակում է կոչ անել վերադարձնել բոլոր ռազմագերիներին և հակամարտությունում զոհվածների աճյունները։ «Մենք ուրախ էինք, որ Հայաստանն ու Ադրբեջանը պայմանավորվեցին ազատ արձակել 34 բանտարկյալների անցյալ տարվա դեկտեմբերին», - ասաց նա։