News - Ի՞նչ է նշանակում Ադրբեջանի զրահամեքենաների խորհրդանիշը.

Վերջին օրերին Ադրբեջանը հավելյալ զորքեր, զենքեր և զրահատեխնիկա է կուտակում Հայաստանի և Արցախի (Լեռնային Ղարաբաղի) հետ իր սահմաններին։ Հատկանշական է, որ ադրբեջանական, ապա թուրքական ԶԼՄ-ներում և սոցցանցերում լայն տարածում են գտել տեսանյութերը, որտեղ երևում է ադրբեջանցի զինվորների և զրահամեքենաներ տեղափոխող շարասյունը, հայտնում է Ermenihaber.am-ը։ Ուշագրավ է շարասյան գրեթե բոլոր մեքենաների վրա սպիտակ ներկի հետքը։ Այս տեսանյութերից երեւում է, որ այդ զինվորական մեքենաների վրա լատինատառ «Ա» գրված է գլխիվայր, ներկով։ Թուրքական լրատվամիջոցներում շրջանառվող տեղեկություններից պարզ է դառնում, որ այս նշանը պատկերված է «Նախիջեւանն ու Ադրբեջանը միավորելու համար»։ Ըստ մեկ այլ պնդումի՝ լատինատառ «Ա» գլխիվայր նշանակում է «ամբողջություն, միասնություն»։ Ըստ ադրբեջանական աղբյուրների, «այդ խորհրդանիշը Ղարաբաղում ստեղծված և բռնագրավումից հետո «Արցախ» անունը կրող անօրինական հաստատությունը ոչնչացնելու և ամբողջ տարածքում Ադրբեջանի դրոշը բարձրացնելու վճռականությունն է։ Հաշվի առնելով այս պնդումները, տարածաշրջանում առկա լարվածությունը, Հայաստանի և Արցախի նկատմամբ նոր հնարավոր ագրեսիան, դրա իրականացման համար ստեղծված հիմքերը և Հայաստանի նկատմամբ Ադրբեջանի և Թուրքիայի անթաքույց տարածքային նկրտումները, կարելի է ասել, որ այս նշանը պարունակում է ուղերձ, որը ցույց է տալիս. կամ «Զանգեզուրի միջանցքը» ուժով վերցնելու Ադրբեջանի ու Թուրքիայի մտադրության մասին ազդարարում։