News - Հայաստանի «Խաղաղության խաչմերուկ» նախագիծը ներկայացվել է Եվրախորհրդարանի համաժողովում
Business Strategy
Հայաստանի «Խաղաղության խաչմերուկ» նախագիծը ներկայացվել է Եվրախորհրդարանի համաժողովում
Բելգիայում Հայաստանի դեսպանությունից NEWS.am-ին հայտնում են, որ երեքշաբթի Եվրախորհրդարանում կայացել է «Վիա Կարպատիա-Կովկասյան ճանապարհային միջանցքի ապագան» թեմայով համաժողովը, որը նախաձեռնել է Եվրախորհրդարանի պատգամավոր Թոմաշ Պորեբան։ ԵՄ-ում Հայաստանի առաքելության ղեկավարի տեղակալ Վարդան Սարգսյանն իր խոսքում շնորհակալություն հայտնեց իրեն այս միջոցառմանը հրավիրելու համար և հանգամանորեն ներկայացրեց Հայաստանի կառավարության կողմից մշակված «Խաղաղության խաչմերուկ» նախագիծը, ինչպես նաև հայկական կողմի տեսլականը. այն մասին, թե ինչպես կարելի է տարածաշրջանը դարձնել խաղաղության և համագործակցության գոտի, և միջազգային գործընկերներին այս նախագծի իրականացմանը ներգրավելու ակնկալիքները։ Ցուցադրվեց Խաղաղության խաչմերուկի մասին պատմող տեսանյութ, մասնակիցների միջև բաժանվեցին ծրագրի վերաբերյալ տեղեկատվական նյութեր: Սարգսյանն անդրադարձել է Հայաստանի կառավարության խաղաղության օրակարգին՝ ընդգծելով «Խաղաղության խաչմերուկ» նախագծի հնարավոր տնտեսական առավելությունները, ինչպես նաև նրա կարևոր ներդրումը Հարավային Կովկասում կայուն և երկարատև խաղաղության հաստատման գործում։
About usyoo
Categories
Tags
