News - Տավուշի մարզում վարչապետ Փաշինյանի հանդիպումների տեսագրությունները կհրապարակվեն ավելի ուշ, ասում է մամուլի խոսնակը (ֆոտո)
Business Strategy
Տավուշի մարզում վարչապետ Փաշինյանի հանդիպումների տեսագրությունները կհրապարակվեն ավելի ուշ, ասում է մամուլի խոսնակը (ֆոտո)
ՀՀ վարչապետ Նիկոլ Փաշինյանի Տավուշի մարզ կատարած այցի տեսանյութերը կհրապարակվեն ավելի ուշ։ «Վարչապետ Նիկոլ Փաշինյանը Կիրանցում հանդիպել է բնակիչների հետ, պատասխանել նրանց հարցերին։ Հանդիպումների տեսագրությունները ծավալուն են, ուստի դրանք ավելի ուշ կհրապարակվեն»,- ֆեյսբուքյան իր էջում գրել է Փաշինյանի մամուլի խոսնակ Նազելի Բաղդասարյանը։ Մարտի 12-ի իր ասուլիսում Փաշինյանը հայտնել էր, որ Ադրբեջանի հետ սահմանի սահմանազատումը կարող է սկսվել Տավուշից։ Վարչապետը նշել էր, որ առաջիկայում նախատեսում է այցելել Հայաստանի սահմանամերձ գյուղեր՝ տեղի բնակիչներին բացատրելու, թե ինչ է մտածում և ինչու։ Նրա խոսքով, Ադրբեջանի հետ սահմանի այն հատվածում, որտեղ Հայաստանի հաղորդակցությունները գտնվում են դե յուրե Հայաստանի սահմաններից դուրս, այդ հաղորդակցությունները պետք է վերակառուցվեն, որպեսզի Հայաստանի բոլոր հաղորդակցությունները անցնեն Հայաստանի դե յուրե տարածքով։
About usyoo
Categories
Tags
