

Ռուսաստանի արտաքին գործերի փոխնախարար Միխայիլ Գալուզինը Անկարայում խորհրդակցություններ է անցկացրել թուրք գործընկերոջ՝ Բուրաք Աքչապարի հետ՝ Ուկրաինայի հակամարտության դիվանագիտական կարգավորման և Հարավային Կովկասում իրավիճակի շուրջ, հայտնում է ՌԴ ԱԳՆ-ն։ Զեկուցվել է, որ կողմերը համեմատել են իրենց տեսակետները Հարավային Կովկասում տիրող իրավիճակի վերաբերյալ՝ ընդգծելով հայ-ադրբեջանական հարաբերությունների կարգավորման գործընթացի և դրան նպաստելու կարևորությունը՝ առաջին հերթին տարածաշրջանային ձևաչափերի շրջանակներում։