News - Կրեմլը մեկնաբանում է Հայաստանի՝ ՀԱՊԿ-ից դուրս գալու հնարավորության մասին վարչապետ Փաշինյանի հայտարարությունները
Business Strategy
Կրեմլը մեկնաբանում է Հայաստանի՝ ՀԱՊԿ-ից դուրս գալու հնարավորության մասին վարչապետ Փաշինյանի հայտարարությունները
Մոսկվան լսել է Հայաստանի վարչապետ Նիկոլ Փաշինյանի հայտարարությունները Հայաստանի՝ ՀԱՊԿ-ից դուրս գալու հնարավորության մասին, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն։ «Իհարկե, մենք [այսինքն՝ Ռուսաստանը] լսել ենք այդ հայտարարությունները: Ակնհայտորեն, իհարկե, հիմա շատ աշխատանք կա անելու: Մեզ անհրաժեշտ են շփումներ ինչպես ՀԱՊԿ-ի շրջանակներում, այնպես էլ մեր հայ գործընկերների հետ երկկողմանի: Մենք կհստակեցնենք և կխոսենք: պարոն վարչապետի հայտարարություններին համապատասխան»,- լրագրողներին ասել է Պեսկովը։ Հարցը, թե ինչպես է ՀԱՊԿ-ում վերաբերվում Փաշինյանի նման հայտարարություններին, Պեսկովը վերահղեց ՀԱՊԿ-ին, և հավելեց, որ Կրեմլը չի կարող խոսել այս կազմակերպության անունից։ «Իհարկե, ՀԱՊԿ-ի շրջանակներում որոշակի աշխատանք կա անելու»,- եզրափակել է Կրեմլի խոսնակը։ Վարչապետ Նիկոլ Փաշինյանը հայտարարել էր, որ Հայաստանը դուրս կգա ՀԱՊԿ-ից, եթե վերջինս չպատասխանի Հայաստանի ինքնիշխան տարածքի վերաբերյալ Երևանի հարցերին։
About usyoo
Categories
Tags
