News - Թուրքիան առաջիկա ամիսներին կսկսի «Զանգեզուրի միջանցքի» բացման աշխատանքները, ասել է թուրք պաշտոնյան
Business Strategy
Թուրքիան առաջիկա ամիսներին կսկսի «Զանգեզուրի միջանցքի» բացման աշխատանքները, ասել է թուրք պաշտոնյան
Առաջիկա ամիսներին թուրքական կողմը կսկսի «Զանգեզուրի միջանցքի» բացման աշխատանքները։ Այս մասին լրագրողներին ասել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն Ստամբուլի մուլտիմոդալ փոխադրումների և թյուրքական պետությունների կազմակերպության լոգիստիկայի ֆորումի ժամանակ, հայտնում է APA-ն։ Նա նշեց, որ ադրբեջանական կողմը շարունակում է աշխատանքը այդ ուղղությամբ։ «Զանգազուրի [(Զանգազուր)] միջանցքի հարցում մենք որոշակի ուղի ենք հաղթահարել, և կարծում եմ, որ Ադրբեջանը, Թուրքիան և Հայաստանը կարճ ժամանակում դա կիրականացնեն»,- ասել է թուրք պաշտոնյան։ Նշենք, որ խոսքը Հայաստանի Սյունիքի մարզով տրանսպորտային ճանապարհի մասին է։ Հայաստանի իշխանությունները հայտարարել են, որ կողմ են տարածաշրջանային հաղորդակցությունների բացմանը, բայց այն երկրների իրավասության ներքո, որոնց տարածքով են դրանք անցնում, և որ «միջանցքի» մասին խոսք լինել չի կարող։ Խոսելով «Զանգեզուրի միջանցքի» մասին՝ Ադրբեջանն ու Թուրքիան, սակայն, գերադասում են ընդհանրապես չհիշատակել նրա տարածքային պատկանելությունը։
About usyoo
Categories
Tags
