News - Ադրբեջանցի վանդալները ոչնչացրել են Արցախի օկուպացված մայրաքաղաք Ստեփանակերտի Վերածննդի հրապարակի քանդակները (ֆոտո)

Ադրբեջանի պետական ​​ռեժիմը շարունակում է ոչնչացնել հայկական պատմաճարտարապետական ​​հուշարձանները Ստեփանակերտում՝ Ադրբեջանի կողմից օկուպացված Արցախի (Լեռնային Ղարաբաղի) մայրաքաղաքում։ «Ադրբեջանական վանդալները ծանր շինարարական տեխնիկայի միջոցով ոչնչացրել են ոչ միայն Արցախի Ազգային ժողովի շենքը և Ազատամարտիկների միության գրասենյակը, այլև Ստեփանակերտի Վերածննդի հրապարակի պատկերաքանդակները։ Այս ամենը ևս մեկ անգամ ապացուցում է, որ Ադրբեջանը պետական ​​մակարդակով մշակութային ցեղասպանություն է իրականացնում օկուպացված Արցախում։ «Զինված ընդհարումների ժամանակ մշակութային արժեքների պաշտպանության մասին» Հաագայի 1954 թվականի կոնվենցիայի 4-րդ հոդվածի համաձայն՝ արգելվում է վանդալիզմի, գողության, կողոպուտի, յուրացման, թշնամանքի կամ մշակութային ժառանգության դեմ հաշվեհարդարի ցանկացած գործողություն: 1954 թվականի Հաագայի առաջին արձանագրությունն արգելում է օկուպացված տարածքներում մշակութային կամ հոգևոր արժեքների ոչնչացումը»,- Facebook-ում գրել է «Հայքի մշակույթի օմբուդսմեն» Հովիկ Ավանեսովը։