News - Փաշինյանը երկօրյա պաշտոնական այցով ժամանել է Եգիպտոս (լուսանկարներ)

Հայաստանի վարչապետ Նիկոլ Փաշինյանը երկօրյա պաշտոնական այցով ժամանել է Եգիպտոս։ Կահիրեի միջազգային օդանավակայանում Հայաստանի վարչապետին դիմավորել է Եգիպտոսի վարչապետ Մոստաֆա Մադբուլին։ Դիմավորման պաշտոնական արարողության շրջանակներում հնչել են երկու երկրների պետական ​​օրհներգերը, ապա երկու վարչապետները ողջունել են իրենց պատվիրակությունների անդամներին։ Վարչապետ Փաշինյանը երեքշաբթի առանձնազրույց կունենա Եգիպտոսի նախագահ Աբդել Ֆաթահ Էլ-Սիսիի հետ, որից հետո հանդիպումը կշարունակվի ընդլայնված կազմով։ Հայաստանի վարչապետը կհանդիպի նաև եգիպտացի գործընկերոջ՝ Արաբական պետությունների լիգայի գլխավոր քարտուղարի և մի շարք կրոնական առաջնորդների հետ։ Բացի այդ, Փաշինյանը կայցելի Եգիպտոսի Առևտրի պալատների դաշնություն, որտեղ կհանդիպի եգիպտացի գործարարների հետ։