News - Ստամբուլի ստորգետնյա գազատարում պայթյուն է որոտացել

Ստամբուլի Սուլթանգազի թաղամասում գտնվող ստորգետնյա բնական գազատարում պայթյուն է տեղի ունեցել, հայտնում է TRT Haber-ը։ Պայթյունը տեղի է ունեցել այն հատվածում, որտեղով անցնում է ստորգետնյա բնական գազատարը, էլեկտրական մալուխների կարճ միացման պատճառով։ Պայթյունի տարածքում բոցեր են բռնկվել, և ծանուցումից հետո հասցե են ուղարկվել ոստիկանություն, հրշեջ բրիգադ և բժշկական խմբեր։ Հրդեհը մարվել է հրշեջ ջոկատի միջամտության շնորհիվ։ Միջադեպի հետևանքով ոչ ոք չի տուժել, սակայն մոտակայքում գտնվող որոշ շենքեր վնասվել են։ Տարածքում անջատվել է բնական գազն ու էլեկտրաէներգիան, իսկ բրիգադները շարունակում են աշխատանքը։