

Գերմանիայի մայրաքաղաք Բեռլինում հինգշաբթի օրը շարունակվում են հայ-ադրբեջանական հարաբերությունների կարգավորման գործընթացի շուրջ բանակցությունները։ Նախապես հայտարարվածի համաձայն՝ Բեռլինում մեկնարկել է Հայաստանի ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի գլխավորած պատվիրակությունների բանակցությունների երկրորդ օրը, հայտնել է ՀՀ ԱԳՆ մամուլի խոսնակ Անի Բադալյանը։ Բադալյանը հավելել է, որ հայ-ադրբեջանական հարաբերությունների կարգավորման գործընթացի շուրջ քննարկումները շարունակվում են։ Հայաստանի արտգործնախարարությունն ավելի վաղ հայտարարել էր, որ չորեքշաբթի և հինգշաբթի Բեռլինում կկայանա Հայաստանի և Ադրբեջանի ԱԳ նախարարների պատվիրակությունների հանդիպումը՝ Գերմանիայի Մյունխեն քաղաքում կայացած եռակողմ հանդիպման ժամանակ ձեռք բերված պայմանավորվածության համաձայն։