News - Օրենսդիր մարմնի ղեկավար. Հայ ժողովուրդը տապալեց Հայաստանը Ռուսաստան-Բելառուս միության անդամ դարձնելու մեծ ծրագիրը

Չեմ բացառում, որ նման պայմանավորվածություն եղել է Թուրքիայի և Ռուսաստանի միջև։ Այս մասին հինգշաբթի ԱԺ-ում լրագրողների հետ ճեպազրույցում ասաց Ալեն Սիմոնյանը՝ անդրադառնալով 2020 թվականի 44-օրյա պատերազմին։ «Եվ այդ ամենին խառնվեց հայ ժողովուրդը, ով 2021-ին ընտրեց իշխանություններին, որոնք պետք է հեռանան, որ նոր իշխանությունները գան, և մենք անդամագրվենք միութենական պետությանը, չեք պատկերացնի, թե ինչ արեց հայ ժողովուրդը 2021-ին. Իրենց ընտրությամբ աշխարհաքաղաքական հարց լուծեցին, միգուցե չգիտակցելով կամ ինչ-որ կերպ գիտակցելով՝ տապալեցին աշխարհաքաղաքական մեծ ծրագիր»,- ասաց Սիմոնյանը։ Հարցին, թե ո՞րն է նպատակը, նա արձագանքեց. Սիմոնյանը հավելեց, սակայն, որ նման առաջարկ Հայաստանին ֆորմալ առումով չի արվել. «Չէ, էդպես չեն անում, էնպիսի վիճակ են ստեղծում, որ նոր եկած իշխանությունները կասեն՝ դե նախորդները, այսինքն՝ մենք ենք մեղավոր, ու այլևս անվտանգության լուծում չկա, քան. դառնալ Ռուսաստան-Բելառուս միութենական պետության մի մասը»,-ասաց Հայաստանի օրենսդիր մարմնի խոսնակը։