News - Եվրախորհրդարանի պատգամավորը Ադրբեջանի ղեկավարությանը կոչ է անում ընդունել Հայաստանի հետ համապարփակ խաղաղության համաձայնագիրը

Եվրոպական խորհրդարանի Հարավային Կովկասի հետ հարաբերությունների պատվիրակության նախագահ Մարինա Կալջուրանդը ելույթ է ունեցել Հայաստան-Եվրամիություն հարաբերություններին նվիրված Եվրախորհրդարանի նստաշրջանում։ ՀՀ վարչապետ Փաշինյանը հստակ ասաց, որ Հայաստանը կանգնած է Եվրոպայի կողքին և պատրաստ է ԵՄ-ի հետ սերտ համագործակցության։ Դա պայմանավորված է ոչ միայն տնտեսական իրավիճակով, այլև եվրոպական արժեքներին երկրի հավատարմությամբ և անվտանգության ծանր իրավիճակով, ասել է Կալջուրանդը։ Նա նաև ողջունել է Հայաստանում ԵՄ քաղաքացիական դիտորդական առաքելությունը և վերջինիս ներգրավվածությունը Ադրբեջանի հետ խաղաղության ծրագրում։ Եվրախորհրդարանի էստոնացի պատգամավորը կարծիք հայտնեց, որ այժմ ճիշտ ժամանակն է Հայաստանի հետ ԵՄ վիզային ռեժիմի ազատականացման շուրջ երկխոսություն սկսելու և վերջինիս ավելի լայն ընդգրկմանը հաղորդակցության և այլ տարածաշրջանային ծրագրերում աջակցելու համար։ Միևնույն ժամանակ, Հայաստանը շատ անելիքներ ունի, և դա մեծապես կախված է Ռուսաստանից, և այնտեղ տեղակայված է ռուսական բանակը, հավելեց նա։ Իսկ 30 տարվա տառապանքներից հետո Հայաստանի և Ադրբեջանի ժողովուրդներն արժանի են խաղաղ և ապահով ապրելու Մարինա Կալջուրանդը և կոչ է արել Ադրբեջանի ղեկավարությանը ընդունել համապարփակ խաղաղության համաձայնագիրը, որը նախատեսում է միմյանց ինքնիշխանության և տարածքային ամբողջականության ճանաչում։ ինչպես նաև ուժի չկիրառումը։