

ՀՀ վարչապետ Նիկոլ Փաշինյանը ցավակցական ուղերձ է հղել ՌԴ նախագահ Վլադիմիր Պուտինին՝ նախկին ԽՍՀՄ Նախարարների խորհրդի նախկին նախագահ, Հայաստանի ազգային հերոս Նիկոլայ Ռիժկովի մահվան կապակցությամբ։ Ուղերձում, մասնավորապես, ասված է. «Ղեկավարելով ԽՍՀՄ Նախարարների խորհուրդը՝ Նիկոլայ Ռիժկովը համակարգել է Հայաստանի Սպիտակ քաղաքում [1988թ.] հազարավոր կյանքեր խլած ավերիչ երկրաշարժի հետեւանքների վերացման աշխատանքները։ Զբաղեցնելով տարբեր պատասխանատու պաշտոններ և կատարելով իր պարտքը՝ Նիկոլայ Ռիժկովը հավերժ դրոշմեց իր անունը հայ ժողովրդի հիշողության մեջ՝ որպես հավատարիմ ընկեր, ով օգնության ձեռք մեկնեց ամենադժվար պահին, ինչի համար նրան շնորհվեց Ազգային հերոսի բարձրագույն կոչում։ Հայաստանի Հանրապետություն»։