News - Թուրքիան 2 տարվա ընդմիջումից հետո կրկին որոշել է ֆինանսավորում հատկացնել երկրի հայկական տպագիր մամուլին

Թուրքիայի պետական ​​մամուլի խորհուրդը որոշել է ֆինանսական աջակցություն հատկացնել երկրի հայկական, հունական և հրեական տպագիր մամուլին 2024 թվականին և երկու տարի ընդմիջումից հետո։ Մամուլի խորհրդի որոշմամբ՝ Թուրքիայի ազգային փոքրամասնությունների տպագիր մամուլին կհատկացվի 300 հազար լիրա, և այդ գումարը կբաշխվի նրանց միջև՝ ըստ համամասնության, հայտնում է Ստամբուլի հայկական շաբաթաթերթը՝ «Ակօս»-ը։ 2022 թվականից թուրքական իշխանությունները դադարեցրել էին այդ ֆինանսական աջակցությունը։ Թուրքիայի ազգային փոքրամասնությունների լրատվամիջոցների ներկայացուցիչները սպասում էին, որ նոր ֆինանսական աջակցությունը կլինի ավելի քան մի քանի տարի առաջ, քանի որ երկրում մեծ գնաճ է, սակայն թուրքական իշխանությունները նախատեսել են նույն չափը, ինչ երկու տարի առաջ։ Այս ֆինանսական աջակցությունը Թուրքիայի ազգային փոքրամասնությունների տպագիր մամուլին տրամադրվում է Լոզանի պայմանագրով երկրի կողմից ընդունված պարտավորությանը համապատասխան: