News - Գերմանիայի Բունդեսթագի հանձնաժողովի նախագահը Սիմոնյանին. Մենք պատրաստ ենք աջակցել Հայաստանում ժողովրդավարական ինստիտուտների զարգացմանը.
Business Strategy
Գերմանիայի Բունդեսթագի հանձնաժողովի նախագահը Սիմոնյանին. Մենք պատրաստ ենք աջակցել Հայաստանում ժողովրդավարական ինստիտուտների զարգացմանը.
Հայաստանի Հանրապետության Ազգային ժողովի նախագահ Ալեն Սիմոնյանը երկուշաբթի ընդունել է Գերմանիայի խորհրդարանի՝ Բունդեսթագի իրավական հարցերի հանձնաժողովի նախագահ Էլիզաբեթ Վինքելմայեր-Բեքերի գլխավորած պատվիրակությանը։ ԱԺ-ից NEWS.am -ին հայտնում են, որ ողջունելով հյուրերին` ՀՀ ԱԺ նախագահը բարձր է գնահատել Գերմանիայի հետ Հայաստանի բարեկամական հարաբերությունների կայուն զարգացումը` ընդգծելով խորհրդարանական համագործակցության խթանումը նաև փոխայցելությունների ձևաչափով: Սիմոնյանը նաև շնորհակալություն է հայտնել գերմանացի գործընկերներին Հայաստանում ժողովրդավարական բարեփոխումներին շարունակական աջակցության համար և կարևորել Գերմանիայի կանցլեր Օլաֆ Շոլցի ներդրումը Հայաստանի և Ադրբեջանի միջև խաղաղության հաստատման գործընթացում։ «Մենք մեծապես գնահատում ենք 2018 թվականից ի վեր Հայաստանում հաստատված ամուր ժողովրդավարական արժեքները և պատրաստ ենք աջակցել Հայաստանում ժողովրդավարական ինստիտուտների զարգացմանը, ինչպես նաև տարածաշրջանում խաղաղության հաստատմանը», - իր հերթին նշել է Վինկելմայեր-Բեքերը։ Այնուհետև Ալեն Սիմոնյանն իր գերմանացի գործընկերներին ներկայացրել է Ադրբեջանի ռազմատենչ քաղաքականության հետևանքները, բարձրացրել հայ ռազմագերիների վերադարձի հարցը, ինչին Ադրբեջանը ապակառուցողական մոտեցում է ցուցաբերում։ Զրուցակիցները մտքեր են փոխանակել նաև Հայաստան-Գերմանիա խորհրդարանական հարաբերությունների, Հայաստան-Եվրամիություն համագործակցության խորացման, Հարավային Կովկասում անվտանգության հաստատման և մի շարք այլ հարցերի շուրջ։
About usyoo
Categories
Tags
