News - Նիկոլ Փաշինյանը և Անն Իդալգոն կարևորել են Երևան-Փարիզ համագործակցության հետևողական զարգացումը
Business Strategy
Նիկոլ Փաշինյանը և Անն Իդալգոն կարևորել են Երևան-Փարիզ համագործակցության հետևողական զարգացումը
Աշխատանքային այցով Ֆրանսիայում գտնվող ՀՀ վարչապետ Նիկոլ Փաշինյանը հինգշաբթի հանդիպել է Փարիզի քաղաքապետ Անն Իդալգոյի հետ։ Իդալգոն նշել է, որ շատ ուրախ է հյուրընկալելու Հայաստանի վարչապետին, և ընդգծել է իր շարունակական աջակցությունը Հայաստանին և հայ ժողովրդին։ Քաղաքապետը տեղեկացրեց, որ սեպտեմբերին Փարիզի կենտրոնում նախատեսվում է բացել Շառլ Ազնավուրի անվան զբոսայգին, որտեղ կտեղադրվի նաև ֆրանսահայ հայտնի շանսոնյեի կիսանդրին։ Վարչապետ Փաշինյանն իր հերթին շնորհակալություն է հայտնել ջերմ հյուրընկալության համար և նշել, որ ջերմությամբ է հիշում Փարիզի քաղաքապետի այցը Հայաստան՝ Լեռնային Ղարաբաղից բռնի տեղահանված հայերին աջակցելու առաքելությամբ։ Նա նաև բարձր է գնահատել Անն Իդալգոյի ջանքերը Հայաստանի և հայ ժողովրդի օրակարգերի ուղղությամբ: Զրուցակիցներն ընդգծել են Երևանի և Փարիզի միջև համագործակցության զարգացումը, մասնավորապես՝ տրանսպորտի, շինարարության, զբոսաշրջության, մշակույթի ոլորտներում։ Նիկոլ Փաշինյանն ընդգծել է Փարիզի քաղաքապետարանի հարուստ փորձը Երևանի հետ տարբեր ոլորտներում կիսելու անհրաժեշտությունը։ Անն Իդալգոն, իր հերթին, նշել է, որ Փարիզը պատրաստ է հետևողականորեն զարգացնել և ամրապնդել համագործակցությունը Երևանի հետ, այդ թվում՝ տարբեր միջազգային հարթակների շրջանակներում։
About usyoo
Categories
Tags
