News - Նիկոլ Փաշինյանը Գաբրիել Աթալին հրավիրել է պաշտոնական այցով Հայաստան, Ֆրանսիայի վարչապետն ընդունել է հրավերը
Business Strategy
Նիկոլ Փաշինյանը Գաբրիել Աթալին հրավիրել է պաշտոնական այցով Հայաստան, Ֆրանսիայի վարչապետն ընդունել է հրավերը
Աշխատանքային այցով Ֆրանսիայում գտնվող ՀՀ վարչապետ Նիկոլ Փաշինյանը հինգշաբթի Փարիզում հանդիպում է ունեցել Ֆրանսիայի վարչապետ Գաբրիել Աթտալի հետ։ Ֆրանսիայի վարչապետը ողջունել է Փաշինյանի այցը և ընդգծել նրա կառավարության պատրաստակամությունը՝ հետևողականորեն զարգացնելու Հայաստանի հետ համագործակցությունը։ Փաշինյանն իր հերթին ևս մեկ անգամ շնորհավորել է Աթալին՝ Ֆրանսիայի վարչապետ նշանակվելու կապակցությամբ և հաջողություն մաղթել այս պաշտոնում։ ՀՀ վարչապետը նաև կարևորել է Ֆրանսիայի կառավարության հետ տարբեր ոլորտներում համագործակցության խորացումն ու ընդլայնումը։ Զրուցակիցները, մասնավորապես, քննարկել են առևտրատնտեսական հարաբերությունների, շինարարության, ենթակառուցվածքների զարգացման, էներգետիկայի, ջրային տնտեսության, զբոսաշրջության ոլորտներում համագործակցությանն ու համատեղ ծրագրերի իրականացմանը։ Բացի այդ, վարչապետ Փաշինյանն ընդգծել է Ֆրանսիայի կառավարության աջակցությունը Հայաստանին՝ շուկաների դիվերսիֆիկացման, ինչպես նաև ստանդարտների ներդրման առումով։ Զրույցի ավարտին Նիկոլ Փաշինյանը Գաբրիել Աթալին պաշտոնական այցով հրավիրեց Հայաստան, և Ֆրանսիայի վարչապետը սիրով ընդունեց հրավերը։
About usyoo
Categories
Tags
