News - Հայաստանի խնդրանքով Ռուսաստանում ձերբակալված ադրբեջանցին վերադառնում է Բաքու
Business Strategy
Հայաստանի խնդրանքով Ռուսաստանում ձերբակալված ադրբեջանցին վերադառնում է Բաքու
Ադրբեջանցի ֆիթնես մարզիչ Քամիլ Զեյնալլին Ռուսաստանի մայրաքաղաք Մոսկվայից վերադարձել է Ադրբեջանի մայրաքաղաք Բաքու, հայտնում է Report-ը։ Բաքվի Հեյդար Ալիևի միջազգային օդանավակայանում նրան դիմավորել են ընտանիքի անդամները, ինչպես նաև լրատվամիջոցները։ Զեյնալին ձերբակալվել է երեքշաբթի երեկոյան Մոսկվայի «Դոմոդեդովո» օդանավակայանում՝ Մոսկվա-Բաքու չվերթն անցնելուց առաջ։ Նա ասաց, որ իրեն կալանավորել են Հայաստանի խնդրանքով։ Ավելի ուշ Ադրբեջանի արտաքին գործերի նախարարությունը հայտարարեց, որ հարցը «Ռուսաստանում Ադրբեջանի դեսպանատան հսկողության տակ է»։ Ավելի վաղ նրա փաստաբան Ալեքպեր Գարաևը նշել էր, որ Հայաստանը լուրջ մեղադրանքներով հետախուզում է հայտարարել Զեյնալիի նկատմամբ, սակայն ռուսական պետությունը «մարդասիրություն» է դրսևորել։ «Ադրբեջանական պետության օգնության և համառության շնորհիվ Քամիլ Զեյնալլին ազատության մեջ է և այսօր կվերադառնա Ադրբեջան»,- չորեքշաբթի ասել է Գարաևը։ Հայաստանի ներքին գործերի նախարարությունը հայտարարել է, որ Ադրբեջանի քաղաքացի Քամիլ Զեյնալիի նկատմամբ «սպանություն» մեղադրանքով միջազգային հետախուզում է հայտարարվել։ Հաղորդվում է, որ նա կասկածվում է 2020 թվականի 44-օրյա պատերազմի ժամանակ Լեռնային Ղարաբաղի տարեց հայ բնակչի գլխատելու մեջ։
About usyoo
Categories
Tags
