News - Իտալիան կկառուցի աշխարհի ամենաերկար կախովի կամուրջը

Իտալիայի իշխանությունները պատրաստվում են կյանքի կոչել աշխարհի ամենաերկար կախովի կամրջի կառուցման «հազարամյակի ծրագիրը»։ Այն կանցնի Մեսինայի նեղուցով՝ միացնելով երկրի մայրցամաքը նրա Սիցիլիա կղզու հետ, հայտնում է Naked Science-ը։ Այս կամրջի երկարությունը, որը կառուցվելու է ծովի բարակ շերտի վրա, կկազմի մոտավորապես 3300 մետր, ինչը այն կդարձնի աշխարհի ամենաերկար կախովի կամուրջը։ Երկարությամբ այն կգերազանցի Թուրքիայի Չանաքքալեի կախովի կամուրջը, որը հասնում է 2023 մետրի։ Բնապահպանները և շատ ճարտարապետներ թերահավատորեն էին վերաբերվում ծրագրին: Սակայն Իտալիայի ենթակառուցվածքների նախարար Մատեո Սալվինին ասաց, որ չնայած բոլոր ռիսկերին և կասկածներին, աշխարհի ամենաերկար կախովի կամուրջը դեռ կկառուցվի: Նախագիծը կտեւի 15 տարի, իսկ դրա բյուջեն կկազմի առնվազն 12 միլիարդ եվրո։