

Գերմանիան և Եվրոպան պատրաստ են իրենց հնարավորությունների սահմաններում աջակցել Ադրբեջանի և Հայաստանի միջև խաղաղ բանակցություններին։ Այդ մասին սոցցանցերում գրել է Ադրբեջանում Գերմանիայի դեսպան Ռալֆ Հորլեմանը։ «Ես դա հաստատել եմ երկու երկրների հետ բանակցությունների ժամանակ, լավ է, որ երկու կողմերն էլ պայմանավորվել են լուծել չլուծված խնդիրները՝ առանց ուժի դիմելու»,- գրել է նա։ Փետրվարի 17-ին Մյունխենի համաժողովի շրջանակներում տեղի ունեցավ Հայաստանի, Գերմանիայի և Ադրբեջանի ղեկավարների եռակողմ հանդիպումը։