

Հայաստանի արտգործնախարար Արարատ Միրզոյանն ուրբաթ օրը Մյունխենի անվտանգության համաժողովի շրջանակներում հանդիպել է Կովկասի բանակցությունների հարցերով ԱՄՆ ավագ խորհրդական Լուիս Բոնոյի հետ։ ԱԳՆ մամուլի ծառայությունից NEWS.am -ին հայտնում են, որ զրուցակիցները քննարկել են Հարավային Կովկասում անվտանգության իրավիճակը, անդրադարձել տարածաշրջանում վերջին զարգացումներին։ Մտքեր են փոխանակվել նաև Հայաստան-ԱՄՆ երկկողմ համագործակցության օրակարգային հարցերի շուրջ։