News - Հայաստանի արտգործնախարարը վարչապետի գլխավորած պատվիրակության կազմում կլինի Մյունխենում

ԱԳ նախարար Արարատ Միրզոյանը վարչապետ Նիկոլ Փաշինյանի գլխավորած հայկական պատվիրակության կազմում կլինի Գերմանիայի Մյունխեն քաղաքում։ Հայաստանի արտաքին գործերի նախարարությունից NEWS.am-ին հայտնում են, որ նախատեսվում են Միրզոյանի հանդիպումները օտարերկրյա գործընկերների հետ։ Ավելի վաղ NEWS.am-ը հայտնել էր, որ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ ուրբաթ-կիրակի աշխատանքային այցով մեկնել է Գերմանիայի Մյունխեն քաղաք։ Վարչապետը կմասնակցի Մյունխենի անվտանգության համաժողովի պաշտոնական բացման արարողությանը։ Այս միջոցառման շրջանակում Փաշինյանը մի շարք երկկողմ հանդիպումներ կունենա նաև իր արտասահմանյան գործընկերների հետ։ Հայկական պատվիրակության կազմում է նաև պաշտպանության նախարար Սուրեն Պապիկյանը։