News - Իրանն ու Հայաստանը պայմանավորվել են ապրանքաշրջանառությունը հասցնել $3 մլրդ

Իրանն ու Հայաստանը պայմանավորվել են ավելացնել ապրանքաշրջանառությունը մինչև 3 մլրդ դոլար։ Հայ-իրանական միջկառավարական համատեղ հանձնաժողովի 18-րդ նիստի ժամանակ հայտարարել է Իրանի ծրագրային և բյուջետային կազմակերպության ղեկավար Դավուդ Մանզուրը, հայտնում է IRNA-ն։ Երկու երկրները նաև փաստաթղթեր են ստորագրել 19 ոլորտներում համագործակցության ընդլայնման վերաբերյալ։ Նիստի ընթացքում Իրանի Պարենի և դեղերի վարչության ղեկավար Հեյդար Մոհամադին ասել է, որ երկիրը պատրաստ է Հայաստան արտահանել իրանական արտադրության դեղամիջոցներ։ Նրա խոսքով, Իրանը ինքնաբավ է դեղերի ու դեղագործական սարքավորումների արտադրության մեջ։ Իր հերթին, Հայաստանի առողջապահության փոխնախարար Լենա Նանուշյանն ասել է, որ Իրանը զգալի առաջընթաց է գրանցել դեղերի և բժշկական սարքավորումների արտադրության մեջ։ «Հայաստանը ողջունում է Իրանի հետ համագործակցությունը բժշկական զբոսաշրջության, դեղագործական ապահովագրության և առողջապահության ոլորտներում»,- ասաց նա։