News - «Ամերիաբանկ». Բանակցություններ են ընթանում, բայց հաստատված գործարք չկա

«Ամերիաբանկ»-ը հաստատել է Bank of Georgia Group PLC-ի տարածած հաղորդագրությունը, ըստ որի խումբը բանակցություններ է վարում բաժնետոմսերի ձեռքբերման շուրջ։ «Բանակցությունները շարունակվում են, բայց հաստատված գործարք չկա»,- NEWS.am-ի հարցին ի պատասխան ասաց Ամերիաբանկը։ Ավելի վաղ Bank of Georgia Group PLC-ն հաստատել էր տեղեկությունն այն մասին, որ «Ամերիաբանկի և նրա բաժնետերերի հետ բանակցություններ են ընթանում հնարավոր գնման շուրջ։ «Այս գործարքը նախատեսվում է ֆինանսավորել Խմբի ավելցուկային կապիտալով, առանց Ընկերության շահաբաժինների և կապիտալի բաշխման քաղաքականության փոփոխության: Գործարքը, եթե այն շարունակվի, կկազմի 1-ին դասի գործարք՝ համաձայն Մեծ Բրիտանիայի FCA-ի ցուցակման կանոնների», - ասվում է հայտարարության մեջ: Bank of Georgia Group PLC-ն միջազգային ֆինանսական ընկերություն է, որը գրանցված է Մեծ Բրիտանիայում, որի բաժնետոմսերը պատկանում են այնպիսի խոշոր ներդրումային կազմակերպություններին, ինչպիսիք են JP Morgan-ը, BlackRock-ը, Vanguard-ը և այլն: