News - Հայտնի են ադրբեջանական կրակոցից զոհված հայ զինծառայողների անունները

Հայաստանի պաշտպանության նախարարությունը հրապարակել է երեքշաբթի օրը Ներքին Հանդ գյուղի հատվածում ադրբեջանական զինուժի կողմից հայկական մարտական ​​դիրքերի գնդակոծման հետևանքով զոհված հայ զինծառայողների անունները։ Նրանք են՝ Էդվարդ Հարությունյանը (ծնված 1974 թ.), Գագիկ Մանուկյանը (ծնված 1982 թ.), Արսեն Համբարձումյանը (ծնված 1979 թ.), Հրաչյա Հովհաննիսյանը (ծնված 1957 թ.)։ Ավելի վաղ NEWS.am-ը հայտնել էր, որ երեքշաբթի ժամը 05:30-ից սկսած ադրբեջանական զինուժի ստորաբաժանումները հրաձգային զինատեսակներից կրակ են բացել Սյունիքի մարզի Ներքին Հանդ գյուղի հատվածում տեղակայված հայկական դիրքերի ուղղությամբ։ Արդյունքում հայկական կողմն ունի չորս զոհ և մեկ վիրավոր։ Հրաձգությունը դադարեցվել է առավոտյան ժամը 9:30-ի դրությամբ: