News - Հայաստանի փոխվարչապետն ընդգծել է Բրազիլիայի հետ համագործակցության շարունակական զարգացումը

Փոխվարչապետ Տիգրան Խաչատրյանն ընդունել է Բրազիլիայի դեսպան Ֆաբիո Վազ Պիտալուգային։ ՀՀ կառավարությունից NEWS.am-ին հայտնում են, որ փոխվարչապետն ընդգծել է Հայաստան-Բրազիլիա համագործակցության շարունակական զարգացումը և հույս հայտնել, որ այս համագործակցությունն ավելի կընդլայնվի զբոսաշրջության, բարձր տեխնոլոգիաների և համագործակցության ներուժ ունեցող մի շարք այլ ոլորտներում։ Բրազիլացի դիվանագետն իր հերթին վստահեցրել է, որ առավելագույն ջանքեր կգործադրի երկկողմ հարաբերություններն էլ ավելի ամրապնդելու համար։ Զրուցակիցներն անդրադարձել են նաև երկկողմ հետաքրքրություն ներկայացնող հարցերի լայն շրջանակի։