News - Ֆինլանդիայի նախագահական ընտրությունների քվեաթերթիկները Թուրքիայի տարածքով ձեռքի ուղեբեռով կհասցվեն Ռուսաստան

Մոսկվայում Ֆինլանդիայի դիվանագիտական ​​ներկայացուցչության աշխատակիցն անձամբ Ստամբուլով կհասցնի նախագահական ընտրություններում քվեարկած Ֆինլանդիայի քաղաքացիների քվեաթերթիկները՝ Ռուսաստանի հետ սահմանին անցակետերի փակման պատճառով։ Այս մասին հայտնում է Helsingin Sanomat թերթը, գրում է ՏԱՍՍ-ը։ Ինչպես մանրամասնել է թերթի աղբյուրը, փետրվարի 5-ին դեսպանատան աշխատակիցներից մեկը Մոսկվայից Ստամբուլով թռչելու է Հելսինկի՝ նախնական քվեարկության քվեաթերթիկները փոխանցելու համար։ Ռուսաստանում Ֆինլանդիայի նախագահական ընտրությունների երկրորդ փուլում քվեարկել է 43 ֆիննացի, մինչդեռ առաջին փուլում այդպիսիք եղել են 45-ը։ Ֆինլանդիայում նախագահական ընտրությունների հիմնական օրը փետրվարի 11-ն է։ Երկրորդ փուլ են անցել նախկին վարչապետ Ալեքսանդր Ստուբը և նախկին արտգործնախարար Պեկկա Հաավիստոն։