News - ԱՄՆ ՄԶԳ-ն 1 միլիոն դոլարի լրացուցիչ օգնություն է տրամադրում Ղարաբաղից բռնի տեղահանված հայերին (ֆոտո)
Business Strategy
ԱՄՆ ՄԶԳ-ն 1 միլիոն դոլարի լրացուցիչ օգնություն է տրամադրում Ղարաբաղից բռնի տեղահանված հայերին (ֆոտո)
ԱՄՆ Միջազգային զարգացման գործակալությունը (USAID) 1 մլն դոլարի հավելյալ աջակցություն է տրամադրում Լեռնային Ղարաբաղից բռնի տեղահանված հայերին, հայտնում է Հայաստանի աշխատանքի և սոցիալական հարցերի նախարարությունը։ Այս օգնության շնորհիվ Լեռնային Ղարաբաղից տեղահանված 19300 մարդ կստանա առաջնային հումանիտար օգնություն ԱՄՆ ՄԶԳ-ի կողմից ֆինանսավորվող «Պաշտպանության, ներառման և հզորացման գործունեության» ծրագրի միջոցով, որն իրականացնում է «Դեմոկրատիան Ինթերնեշնլ»-ը: Նախաձեռնությունը պաշտոնապես մեկնարկել է Հայաստանի մայրաքաղաք Երևանում տեղի ունեցած միջոցառմամբ, որի ընթացքում բռնի տեղահանվածները ստացել են սնունդ և հիգիենայի պարագաներ։ Միջոցառմանը մասնակցում էին աշխատանքի և սոցիալական հարցերի փոխնախարար Աննա Ժամակոչյանը, ԱՄՆ ՄԶԳ/Հայաստանի առաքելության փոխտնօրենի պաշտոնակատար Մեթյու Լեյրդը և «Դեմոկրատիան ինթերնեյշնլ» հայաստանյան գրասենյակի տնօրեն Լիզբեթ Զոննևելդը։ Այս օգնության տրամադրումը սկսվել է 2023 թվականի դեկտեմբերին և կտևի վեց ամիս։ Նրա աշխարհագրական ընդգրկում է Երևանը, ինչպես նաև Արարատը, Կոտայքը, Լոռին, Շիրակը, Սյունիքը և Տավուշը։ Աջակցությունը տրամադրվում է կազմակերպությունների կոնսորցիումի միջոցով։ Վերոնշյալ միջոցառման մասնակիցները հետևել են այս մարդասիրական ծանրոցների բաշխմանը և զրուցել շահառուների հետ՝ նրանց կարիքների մասին ավելի լավ տեղեկատվություն ստանալու նպատակով։
About usyoo
Categories
Tags
