News - Խավիեր Կոլոմինա. Մեզ շատ է ոգևորում Հայաստանի արտաքին, պաշտպանական քաղաքականության փոփոխությունը, որը պետք է մերձենա մեզ

Մենք շատ գոհ ենք Հայաստանի հետ այսօր ունեցած երկկողմ հարաբերություններից։ Այս մասին Բրյուսելում «Արմենպրես»-ի թղթակցին տված հարցազրույցում ասաց Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան։ «Այո, ես անցյալ շաբաթ Հայաստանում էի, հանդիպել եմ վարչապետ պարոն Փաշինյանի հետ, Անվտանգության խորհրդի քարտուղար պարոն Գրիգորյանի հետ, ԱԳ փոխնախարար Վահան Կոստանյանի հետ, պաշտպանության նախարար Պապիկյանի հետ, ավելին, ունեցել եմ նաև ուսանողների և կրտսեր դիվանագետների հետ հանդիպելու հնարավորություն, և ես այնտեղ դասախոսություն կարդացի: Շատ կարևոր այց էր: «Մենք շատ գոհ ենք Հայաստանի հետ այսօր ունեցած երկկողմ հարաբերություններից։ Մեզ շատ ոգևորում են նաև այն որոշումները, որոնք Հայաստանը որոշել է ընդունել իրենց արտաքին և պաշտպանական քաղաքականության մեջ, այն տեղաշարժը, որը նրանք որոշել են իրականացնել։ Ես գիտեմ, որ դա դժվար իրագործելի որոշում է և, հավանաբար, երկար ժամանակ կպահանջի, բայց, իհարկե, մենք խրախուսում ենք մեր գործընկերներին մերձենալ մեզ հետ, և դա այն է, ինչ անում է Հայաստանը»,- ասաց ՆԱՏՕ-ի գլխավոր քարտուղարի հատուկ ներկայացուցիչը։ Կովկասի և Կենտրոնական Ասիայի համար։