News - ՀՀ ԿԲ նախագահ. Պարենային ապրանքների թանկացում չենք կանխատեսում

Պարենային ապրանքների թանկացում չենք կանխատեսում. Այս մասին երեքշաբթի լրագրողների հետ հանդիպման ժամանակ ասաց ՀՀ Կենտրոնական բանկի (ԿԲ) նախագահ Մարտին Գալստյանը։ Նրա գնահատմամբ՝ պարենային ոլորտում առկա է թույլ արտաքին գնանկումային ազդեցություն։ Գալստյանը նշեց, որ կար գների դինամիկայի կայունացման միտում, որից հետո արձանագրվեց գների աննշան աճ, սակայն այժմ կրկին կայունացման միտում կա։ ՀՀ ԿԲ ղեկավարը հավելեց, որ Հայաստանի աշխատաշուկայում առաջարկի աճով պայմանավորված՝ աշխատավարձերի աճը, որը նկատվում էր նախորդ տարիներին, այժմ չափավորվելու միտում ունի։ «Եվ այս երկու գործոնները հիմք են հանդիսացել, որպեսզի Կենտրոնական բանկի խորհրդի որոշմամբ նվազեցվի վերաֆինանսավորման տոկոսադրույքը 0,5 տոկոսային կետով, որը սահմանվել է 8,75 տոկոս»,- ընդգծեց Գալստյանը։