

Գարեգին Բ Ամենայն Հայոց Կաթողիկոսը Միացյալ Թագավորության և Իռլանդիայի Հայոց թեմ հայրապետական այցի շրջանակներում հանդիպել է Անգլիկան եկեղեցու առաջնորդ, Քենթերբերիի արքեպիսկոպոս Ջասթին Ուելբիի հետ։ Հանդիպմանը քննարկվել են Արցախից բռնի տեղահանված հայերի առջև ծառացած խնդիրները, Ադրբեջանում հայ գերիների վերադարձը, Արցախի հայկական հոգևոր և մշակութային ժառանգության պահպանությունը, տարածաշրջանում տիրող իրավիճակը։ Այս մասին NEWS.am-ին հայտնում են Մայր Աթոռ Սուրբ Էջմիածնից։