

ԱՄՆ նախագահ Ջո Բայդենը փետրվարի 9-ին Սպիտակ տանը կհյուրընկալի Գերմանիայի կանցլեր Օլաֆ Շոլցին՝ փորձելով աջակցություն ստանալ Ուկրաինային լրացուցիչ օգնություն տրամադրելու համար, հայտնել է Սպիտակ տունը: Նշվում է, որ երկու ղեկավարներն էլ կվերահաստատեն «իրենց ամուր աջակցությունը Ուկրաինայի՝ իր հողի և ժողովրդի պաշտպանությանը Ռուսաստանի ագրեսիվ պատերազմի դեմ»: Բայդենն ու Շոլցը կքննարկեն նաև Մերձավոր Արևելքում տարածաշրջանային էսկալացիան կանխելուն ուղղված ջանքերը, «նրանց անսասան աջակցությունը Իսրայելի ինքնապաշտպանության իրավունքին և Գազայում կյանքեր փրկելու և խաղաղ բնակիչների պաշտպանության հրատապ անհրաժեշտությունը»: