News - Հայաստանի վարչապետ. Հնդկաստանի Սահմանադրությունը ազգի քաղաքական, փիլիսոփայական մտքի դրույթները համադրելու լավագույն օրինակն է.
Business Strategy
Հայաստանի վարչապետ. Հնդկաստանի Սահմանադրությունը ազգի քաղաքական, փիլիսոփայական մտքի դրույթները համադրելու լավագույն օրինակն է.
Հայաստանի վարչապետ Նիկոլ Փաշինյանը շնորհավորական ուղերձ է հղել Հնդկաստանի վարչապետ Նարենդրա Մոդիին՝ վերջինիս Հանրապետության օրվա առթիվ։ Ուղերձում, մասնավորապես, ասված է. «Հանրապետության օրը նշանակալի առիթ է անկախության համար պայքարած ժողովուրդների և պետությունների համար՝ վերահաստատելու ժողովրդի և պետության հավատարմությունը Սահմանադրությամբ սահմանված արդարության, ինքնիշխանության, հավասարության և եղբայրության սկզբունքներին։ Հնդկաստանի Հանրապետության Սահմանադրությունը ոչ միայն մարմնավորում է Հնդկաստանի պատմաքաղաքական մշակույթը, այլև լավագույն օրինակն է՝ ազգի քաղաքական և փիլիսոփայական մտքի դրույթները ներդաշնակորեն համադրելու գերագույն օրենքում։ Պատահական չէ, որ հայ-հնդկական դարավոր բարեկամության առանցքում մեծ դեր են խաղացել Սահմանադրության և սահմանադրականության գաղափարները՝ հաշվի առնելով Հնդկաստանում հայ ժողովրդի առաջին Սահմանադրության մշակումը։ Այսօր մենք արդեն հպարտությամբ կարող ենք արձանագրել, որ դարերի ընթացքում ձևավորված մեր բարեկամական կապերը և մեր ժողովուրդների ընդհանուր անցյալը թեւակոխում են երկկողմ և բազմակողմ հարաբերություններում նոր ձեռքբերումների գործնական փուլ»:
About usyoo
Categories
Tags
