News - Ղրղզստան-Չինաստան սահմանին մի քանի երկրաշարժ է տեղի ունեցել

Մի քանի երկրաշարժ՝ մինչև 5,6 մագնիտուդով, տեղի են ունեցել ուրբաթ Ղրղզստան-Չինաստան սահմանին, հայտնում է Ղրղզստանի սեյսմոլոգիայի ինստիտուտը։ Նրա տվյալներով՝ առաջին ցնցումը, որը գրանցվել է տեղական ժամանակով ժամը 02:01-ին, ամենաուժեղն է եղել. դրա ուժգնությունը կազմել է 5,6 մագնիտուդ։ Դրանից հետո տեղի է ունեցել 4-ից 5 բալ ուժգնությամբ երկրաշարժերի հերթական շարք։ Իսկ վերջին սեյսմիկ ակտիվությունը գրանցվել է ժամը 14:17-ին: Սեյսմոլոգները պարզել են, որ այս երկրաշարժերի էպիկենտրոնը գտնվել է Չինաստանում՝ հունվարի 23-ին տեղի ունեցած 7 բալ ուժգնությամբ հզոր երկրաշարժի վայրի մոտ։ Սակայն այս բոլոր ցնցումները զգացվել են նաև Ղրղզստանում։ Այս սեյսմիկ գործողությունների հետևանքով Ղրղզստանում զոհեր և վիրավորներ չկան, հայտնում է երկրի արտակարգ իրավիճակների նախարարությունը։