

Բելգորոդի մարզում ռուսական Իլ-76 տրանսպորտային ինքնաթիռի կործանումից ոչ ոք չի փրկվել, Telegram-ում հայտնել է վերջինիս նահանգապետ Վյաչեսլավ Գլադկովը։ «Կորոչանսկի շրջանում վթարի է ենթարկվել տրանսպորտային ինքնաթիռ, որն ընկել է բնակավայրից ոչ հեռու գտնվող դաշտում, ինքնաթիռում գտնվող բոլոր անձինք մահացել են»,- գրել է Գլադկովը։ Նրա խոսքերով, վթարի վայրը շրջափակված է, այնտեղ են ուղարկվել բոլոր անհետաձգելի ծառայությունները, կատարվում է հետաքննություն։ Նաև այնտեղ կժամանի հանձնաժողով՝ պարզելու այս աղետի պատճառները։ Տրանսպորտային ինքնաթիռ է կործանվել, որում եղել է 76 ուկրաինացի գերի, հայտնում է ՌԴ ՊՆ-ն